Thana Jeyaseelan

காலம் உனக்குச் சாதகமாய் இருக்கையிலே…
காலத்தின் காற்றுந்தன்
பக்கம் அடிக்கையிலே…
காலத்திற் குன்னால் இலாபம் கிடைக்கையிலே…
காலத்திற் குன்னுடைய தேவை இருக்கையிலே…
இந்தக் கணம், அடுத்த கணம்,
மறு கணம், எல்லாம்
உந்தன் பயணம் ஒழுங்காய்த்தான்
ஒப்பேறும்!
காலம் உனக்குப் பாதகமாய் இருக்கையிலே…
காலத்தின் காற்றுனக்கு
எதிராய் அடிக்கையிலே…
காலத்திற் குன்னால்
பயனில்லாப் போதினிலே…
காலம் “உனதுபணி
தேவையில்லை” என்கையிலே…
எந்த ஒரு கணத்திலும்,
எதிர்பாரா வேளையிலும்,
உந்தன் பயணம் ஒரேயடியாய்
முடிந்து போகும்!
‘உன்னால் உன் திறமையினால்
ஓடுகிறாய்’
என நீயும்
எண்ணாதே…
காலமும் நேரமும் மாறிவிட்டால்;
உன் மனது எண்ணினாலும்
உன் கால்கள் மறுதலிக்கும்.
உன்கால்கள் ஏற்றாலும்
உன்பாதை மாறிவிடும்.
உன் வேகம் குறையும்
உன்பயணம் பின்செல்லும்.
உன்வழியில் புயலடிக்கும்.
உன் திசையில் தடைகள் எழும்.
உன் பயண வாகனமும்
உனையிறக்கி விட்டகலும் !

பாதை நூறு கண்களின் முன் விரிந்து உள்ளது. -அதில்
பயணம் எதால் போகவேணும்? மனம் மயங்குது.
மாதிரியாய் வாழ்ந்தவரை மனது தேடுது – சென்று
வாழ்வமோ? யாம் மாய்வமோ? யார் யாரைக் கேட்பது?

எங்கள் பாதை என்ன என்று நாமா கண்டனம்? – அது
எங்கு போகும்? எப்ப சேர்க்கும்? யார் அறிந்தனம்?
எங்கள் முன்பு யாவர்? என்ன வாகனம் வரும்? – அவை
ஏற்றிடுமோ? ஏற்றிடாதோ? யார் தெளிந்தனம்?

என்ன ஆகும் அடுத்தகணம் என்றுணர்ந்திடோம்- நாளை
எம் பயணம் பற்றி யாம் எதிர்வு கூறிடோம்.
முன் நடந்தோர் சொன்ன சொல் மறந்து போகிறோம்- பாதை
முடியுமட்டும் பயணஞ் செய்வமோ? அறிந்திடோம்!

ஒவ்வொருவர் பாதை வேறு, பயணம் வேறுதான். -நாங்கள்
ஒவ்வொருவர் செல்லும் வேகம், தூரம் வேறுதான்.
ஒவ்வொருவர் சகபயணி, வண்டி வேறுதான் – சென்று
ஓயுமட்டும் எது நடக்கும்? கேள்வி நீளுந் தான்!

கடந்துகொண் டிருக்கின்ற
ஒவ்வொரு கணங்களிலும்
நடக்கவேண்டிய தென்னென்று
நம்விதியோ… தலையெழுத்தோ…
காலமோ… நேரமோ…
கடவுளோ…வினைப்பயனோ… Continue reading →

ஆயிரம் தடைகள் சூழ்ந்து
அடக்கிடும் போதும்…நூறு
ஆயிரம் இடர்கள் சீண்டி
அழித்திட முயலும் போதும்…
பாய்ந்ததை எதிர்க்கும் நெஞ்சும்,
பயப்படாக் கை, கால், கண்ணும், Continue reading →

தெருவெலாம் துன்பம் திரளுது எனினும்
திசைகளிற் பூத்தன மலர்கள்.
தினந்தினம் வெய்யில் தீய்த்திடும் போதும்
செடிகளில் தோன்றின தளிர்கள்.
பெருமழை வெள்ளம் மூழ்கடித் தாலும்
பின் எழும் புதுப்புதுப் பயிர்கள். Continue reading →

மனிதர்கள் மனிதர்களாய் இல்லை
இந்த நாட்களிலே!
மனிதர்கள், சராசரி
மனிதக் குணங்களுடன்
புறத்திலும் அகத்திலும்
புதிர்ப்போலி வேசங்கள் Continue reading →

‘முன்னாயத் தம்’ என்று முறைக்கு முறைகதைத்து,
என்னென் றியற்கையிட- ரிருந்துதப்புவ தென்றாய்ந்து,
என்னென் றனர்த்தத்தைத் தணிப்பதெனத் திட்டமிட்டு,
என்னென் றிடர்க்குமுகம் கொடுப்பதெனக் கற்பித்து,
ஊரினைக் காப்பதற்கு ஒத்திகை களும்பார்த்து,
ஆயிரம் கதையளந்து, Continue reading →

“அழிவு எங்கெங்கும் அழிவுகள்” என்றுதான்
அங்கும் இங்குமே செய்திகள் பேசின.
அழிவு, மரணங்கள் என்று அடிக்கடி
அன்று… போரிடை வந்திட்ட செய்திகள்
முழுதும் ஓய்ந்து அப்பப்போ அங்கங்கு
மோதல், விபத்து, வாள் வெட்டுகள்,போதையால் Continue reading →

உறங்கிக் கிடந்தது ஊர்;
நேற்று மட்டுமல்ல
பரம்பரை பரம்பரையாய் வசித்து
மகிழ்ந்துயிர்த்த
ஊரது;
நிம்மதியாய் உண்டு களித்துறங்கும் Continue reading →

இயற்கையைத் தடுக்க எவராலும் முடியாது.
இயற்கையை அடக்க
எவராலும் இயலாது.
இயற்கை என் செய்யுமென்று எதிர்வுகூறல் ஏலாது.
இயற்கை ஏன் மாறுதென்று
எவரும் கேட்கலாகாது. Continue reading →

காலமோ நிற்காமல் கணம்கணமும் தொடர்ந்து
ஓடிக்கொண் டிருக்கும் உயிர்க்குருதி!
எப்படித்தான்
குருதி உடலுள் சுழன்றோட
உயிர்துடித்து
இருக்குமோ…அப்படி இக்காலக் குருதி ஓட… Continue reading →

வாடிக் கிடக்கும் நிலமெலாம் – மழை
வார்த்து மகிழ்ந்தது வான்முகில் -துணை
தேடித் தவிக்கும் உயிர்க்கெலாம்- சுகம்
சேர்த்துப் பொழிந்தது பொன்மழை -அனல்
கூடி எரித்த சிதைகளும் – நூர்ந்து
கொள்ளவே…ஆறிற்று தாய்மடி -உயிர் Continue reading →

‘மார்க்கண்டே யனைப்’ போல் – இந்த
மண்ணில் மிக மிக நல்ல குணத்துடன்
ஆயுள் மிகக் குறைவாய் – வாழ்ந்து
அற்புதம் செய்பவரோ சில பேர்களே!
ஆயிரம் தீக் குணங்கள் – கொண்டு
ஆயுளும் கெட்டியாய் நீளத் தொடர்ந்து Continue reading →

தேனாறு பாயாத போதும்,
தினந்தினமும்
பாலாறு பாயாத போதும்,
எம் நிலம் சிரிக்கும்.
சாவைத் துரத்திச் சரித்து
நம் திசையெங்கும் Continue reading →