தெய்வத்துக்கு இணை

நினைத்ததைச் செய்ய வல்ல அதிகாரம்
உனக்கு இருப்பதனால்
உன்விருப்பம் எல்லாமும்
ஈடேற்றிக் கொண்டுள்ளாய்!
‘இதைச்செய்வேன்’ எனமனது
கூறும் எதையுமே கொண்டுவந்து தந்துவிடும்
ஏவலர் கூட்டமும்
எடுபிடிகள் ஒத்துழைப்பும்
பூரணமாய் இருப்பதனால.;..
பொதுவாயே வெல்கிறாய்!
‘ஏன்இதனைச் செய்தாய்’
எனையுனையோ…சீடரையோ…
யாம்கேட்க முடியா யதார்த்தத்தால்
வாழ்ந்துள்ளாய்.
எதையும் செய்யவல்ல
அதிகாரத் தோரணையால்
தெய்வத்துக் கிணையெனவும்
புகழப் படுகின்றாய்.
தெய்வம்நீ என்றுன் சேவகர்வாய் செப்பிடுது!
‘தெய்வமா நீ’ என்று
தெய்வமுன்னைக் கேட்பதென்று?