தீ அணைப்பு

நெருப்பொன் றெரிவதற்கு…
தகனம் நிகழ்வதற்கு…
‘எரிவதற்கு ஏற்றபொருள்’,
‘எரிபற்று நிலை’, ‘எரியத்
துணையான வாயு’ வேண்டும்!
அமாம்…இவை மூன்றும்
இணையாத போது எந்நெருப்பும் பற்றாது!
பற்றிய நெருப்பு
படர்ந்தெங்கும் பரவாது!
நிற்க…
எரிவதற்கு ஏற்றபொருள் எரியா
நிலையடைந்தால்;
எரிய ஏற்ற வெப்பத்தின்
நிலையான ‘எரிபற்று நிலை’ குறைந்தால்;
எரிதற்கு
உகந்த பொருளோடு ‘பிராண வாயுவின்’ தொடர்பு
தகர்ந்தால்;
தடுக்கவே பட்டால்;
அந்நெருப்பு
அணையும்!
எந்நெருப்பும் அணையும்!!
இதே…தீயை
அணைக்கின்ற நுட்பத்தின்
அடிப்படையும் ஆகும்!
நெஞ்சில்
கனல்கின்ற தீயினது காங்கைகளை
அணைப்பதற்கும்
இதே ‘தீ அணைப்பு நுட்பம்’
எங்கும் அரங்கேறும்!
இதன் அர்த்தம் புரியாமல்
எதார்த்தமோ முட்டி மோதும்!